Laster hasiko da, Eragintza Fundazioaren eskutik, profesionaltasun-ziurtagiria lortzeko prestakuntza “Datuak eta dokumentuak grabatzeko eta tratatzeko eragiketak” izeneko titulazioa hain zuzen ere. Lanbidek homologatutako titulazioa da, enpresetan praktikak egiten ahalbidetzen duena, eta aurtengo azaroaren 4tik 2025eko maiatzaren erdialdera bitartean egingo da.

Jarduera honek lan-orientazioko eta -aktibazioko orduak barne hartzen ditu parte-hartzaile guztientzat, eta baita berdintasuneko moduluak, gaitasun digitalak eta konpetentzia soziolaboralak ere, enplegurako ibilbide pertsonalean laguntzeko asmoz.

Prestakuntzaren bidez, honako eginkizun hauek betetzeko ezagutzak eta gaitasunak eskuratuko dira:

– Datuak grabatzea, kodetzea eta digitalizatzea.

– Dokumentuen kudeaketa.

– Testu-prozesadoreak eta kalkulu-orriak maneiatzea.

– Informazioa bilatzea eta webguneak erabiltzea, posta elektronikoa kudeatzea, mezularitza, datuen migrazioa, eta abar.

Aurreko guztiari esker, enplegu bat lortu ahal izango da hazkunderik handiena duen lan-sektore batean, digitalizazio-sektorean.

Prestakuntzaren ezaugarriak

Ikastaroa astelehenetik ostiralera eskainiko da, 10:00etatik 14:00etara, Eragintza Fundazioaren egoitzan (Iruña 17, behea, Deustu).

Bizkaiko Foru Aldundiak ehuneko ehunean diruz lagundutako jarduera da, Lan Berri 2024 programaren bidez, eta langabezian dauden pertsonentzat.