Eragintzan gure ezagutzak eta esperientzia gizartearen zerbitzura jartzearen aldeko apustua egiten dugu. Horregatik, unibertsitateko ikasleek gure Fundazioan egiten dituzte praktikak. 2015az geroztik, Eragintzako egonaldian eskuratzen dituzten ezagutzak praktikan jartzeko aukera ematen duen practicum plan bat eskaintzen dugu, gure teknikarien ikuskapen zuzenarekin eta Eragintzako zerbitzuetatik igaroz. Urtero, 15 pertsona inguruk parte hartzen dute. Horren erakusgarri txiki bat azaleko argazkia da: parte-hartzaile bati agur esaten diogun bitartean, ongi etorria ematen diogu beste bati.